Já, undur og stórmerki. Nú hefur enn einn ferfætlingurinn bæst í fjölskylduhópinn að Vesturhúsum 12. Ég kynni til sögunnar Birtu Sól sem er ónotaður, glænýr, beint úr kassanum Labrador Retriever árgerð 2007. Birta Sól eða Sólbirta eins og sumir kjósa að kalla hana mun taka virkan þátt í meltingu, þvaglosun og gelti næstu árin ásamt kynsystrum sínum, mæðgunum Maju og Tinnu. Að lokum vil ég endilega hvetja sem flesta til að skella sér í útilegu á fjölskyldu-rave-hátíðina "Á góðri stund " á Grundarfirði næstu helgi en þar mun ég koma fram ásamt ofurfjölskyldusveitinni "The Others" á Krákunni á föstudagskvöldið kl. 22:00. P.s. vona að þessi nýfundna blogg-gleði mín sé ekki að gera út af við ykkur :D

Kveðja, TheJoe!

Þá er fyrstu tónleikum Dr. Joe and the Enema Patients lokið og ég er búinn að henda inn myndum frá kvöldinu (sjá hér ). Þið sem hafið áhuga á sjá u.þ.b. 2000 myndir af Geira fyrirsætu og fleirum getið smellt á þennan hlekk . Þakka ykkur öllum sem komuð og þið hin verðið klárlega húðdregin eins og áður var rætt.  Giggið þótti takast með ágætum og var einn starfsmaður m.a.s. svo örlátur að tjá okkur að "við hefðum komist vel frá þessu miðað við hvað lögin hefðu verið hundleiðinleg" :). Það eru allar líkur á að við munum koma aftur fram á eðalstaðnum Tropical í nánustu framtíð þ.s. bareigandinn bauð okkur að spila aftur ef við vildum. Ekki er annað að sjá en að Leifur hafi skemmt sér vel, fengum amk. "thumbs up" frá honum. Þar sem ég gleymdi að kynna hljómsveitina á laugardagskvöldið ætla ég að enda þessa færslu á myndum af félögunum um leið og ég þakka þeim fyrir frábært kvöld. TheJoe

	Gítar og söngur: The Joe A.k.a. Dr. Joe
	Trommur: Eiki A.k.a. Enema Patient #3
	Gítar: Dolli A.k.a. Enema Patient #2
	Bassi: Siggi A.k.a. Enema Patient #1